Leggenno 'int'o forum d''o Gambero Rosso nce sta na dumanna 'e chi so 'e megliore cinche vine nuove p''o futuro. 'A ccosa assaje bella è ca nce sta pure nu vino d''a Campania, overo d''a Custiera Amalfitana: 'o utente Francvino dice ca 'o Monte di Grazia ca vene prodotto a Tramunte è uno 'e cheste cinche vine e ca s'ha ddà assaggià pecché è assaje origgenale cumparato cu ll'ate vine.

Putete leggere 'e cchiù ncopp'a sto vino ncopp' o sitio: http://montedigrazia.it.

Nu cielo chiaro,
comme a nu specchio,
lucente , brillante !
Nu sole cucente
'nfoca
tutt''e ccose attuorno .
Ma chiove…si, chiove
Dint''e core d''a ggente
Che CHIAGNE.
So' ciente , millanne
Che CHIAGNE
E nisciuno ,si , proprio nisicuno
Fa niente pe' niente…
Eppure sta NAPULE
Ha dato a stu munno
Nun solo canzone
Ma tutta na storia
Ch''a lettere 'e fuoco
Stà scritta
'int''o libbro d''a vita .
'O cielo è sereno,
'o sole è n'incanto
ma chiove…si,chiove

Se so’ stutate ‘e luce ‘int’’a nuttata
Povere ‘e luna ‘ncopp’a sta città
‘o viento nun asciutta sti paure
e l’aria ‘e mare trase ‘int’’e pulmune
zitte, stanno durmenno sti ccriature.
Chest’aria ‘e mare
Ma comme sape ‘e chianto st’aria ‘e mare
Na vranca ‘e fronne gialle ‘int’’e penziere
Cu na speranza appesa a na scugliera.
P’’e viche cchiù nun sonano ‘e chitarre
Se so’ addurmute ‘e ddete ‘ncopp’e corde
So’ nuvole luntane sti ricorde

Testo di Luciano Somma – Musica di Taddeo Scalici
Austo , ‘nterr’’a rena tutt’’e dduje
Guardammo comme ‘o sole se ne va
E chianu chiano accumparisce ‘a luna
Ch’all’intrasatto ‘o bbene fa sunnà …
 
Cu’’e mmane dint’’e mmane , vocca a vvocca ,
assapurammo sta felicità
e correno sti core forte ‘mpietto
e nuje nun ce stancammo e ce vasà .
 
‘O mare ci’accarezza e ‘ncielo ‘e stelle
pare ca se mettessero a ballà
na voce canta e na chitarra sona…

Nu juorno, tenvo attuorno 'e 22 anne, aggio juto 'a Monaco 'e Baviere a truvà 'o patre mijo. E na ccosa ca non me pozzo mai chiù scurdà è nu pacchetto 'e carta ca m'ha dato 'int'â ccasa addò se parcheggiano 'e macchene. Ha ditto "miette chesto via subbeto" e io 'o aggia fatto. Nce steva pure 'a mujera d''a soja ... e nun vuleve ca essa vede cheste ccarte.

Nce steva na vota na nennella ca tutta
'a semmana steva cu 'e nonne e sulo ô sabbato e â dummeneca steva
cu 'a mamma 'e 'o patre. 'O patre fuje na perzona ca sonava â museca
'int'a nu cumplesso e ogne sabbato chestu patre portava 'a nennella
cu isso quanno facevano 'e pprove. Isso nzegnaje 'a musica a figlia
d’’a soja – e pure nu poco 'e pianoforte. 'A nennella, già
quanno era piccerella sapeva movere 'a gente. Fuje na cosa streveza.

L’Inter se l’ha pigliato, stu scudetto,
pur facenno nu cuofano ‘e str…ate.
Pe l’occasione ca s’anno magnate
s’anna dà, e romaniste, ‘e ponie ‘mpietto.
Mò se dice: vittoria ammeretata,
ma l’interiste, ca so propio pazzi
(nun vulimme fa nomme: Materazzi),
se so’ ridotte all’urdema jurnata.

‘O tiempo d’a campagna elettorale
“Vi tolgo l’immondizia!”, Berlusconi
dicette. Ma cà stammo tale e quale,
anzi peggio: aggiungette i suoi “campioni”.
Ched’è, vulive conquistà l’Europa?
Se se. Milàn, tu mò hai toccato il fondo:
può vencere a tressette, oppure a scopa.
Sì campione? Gnorsì: ma dell’immondo.