'O Pennino Cavallotti

'Nu semplice Pennino Cavallotti 'nfilato
int'a n'astuccio mazzecato
faceva mostra nzieme 'o calamaio,
int''a vetrina 'e "Sara antiquariato".
Mentre guardavo chest' vecchi oggetti,
avvenne un fatto che non so spiegare:
'o calamaio si rignett''e nchiostr'
e 'o pennino si mise a scribacchiare:
"Io so''o pennino che tu sconosci bene,
chill' che usava il tuo papà leale
quann' t'accumpagnav' mano a mano
a fare 'e pertichelle e la vocale.
Rint''a 'nu portapenne 'e legno, nzieme ai libri,
tu m' purtav' a' scuola,
là c'era già Giulia, la bidella maica,
che teneva tutto in ordine, da sola.
Tutti in piedi, 'na mosca nun vulava, quann' traseva o
professore Cava,
segnando sul registro le presenze,
faceva appello e a nome vi chiamava:
Biancullo, Cavallaro, Confalone,
Pisani, Sarno, D'Urso, Mammato.
Seduti int' e banch' a doje a doje, dopo aver fatto il saluto
romano, cuminciavev ' a scriver''o dettato,
e io sentev' che t' tremava a mano.
Le parole son liquide, quann' song' nchiostro rint''o calamaro,
e diventan' solide e leggibili se 'e scrivi co' prennino in modo chiaro,
se no resta sulo 'na macchia,
che 'mbratta fogli, mani, anche la faccia
e pur essendo sempre 'na parola, non è leggibile,
forse è 'na parolaccia.
Mo usi 'na tastiera tutta nera, che nun scriv',
ma stampa sillabando senza errore,
che nun ti dà 'o piacere che rev'io,
quann' scrivemm' cu doie emme AMMORE!".
Finett' l'incantesimo: sparett' o nchiostro
e si fermò 'o pennino e, int' 'a vetrina che faceva specchio,
verett' scorrer', da doie uochi nfusi,
na lacrima sul viso pallido di un vecchio.

Dicembre 2007

Orgoglio Maiorese

Quando sento un Milanese, uno 'e Napoli o 'e Torino
che si vanta che è Verace, pecchè è nato cittadino,
mi vien voglia di ggridare al "bauscia Milanese"
Io sì, son fortunato, SONG' NATO MAIORESE

pecchè Maiori è 'nu paese molto umano e piccirillo,
ci chiamamm' tutti a nome, mai nisciun' dice "chillo"
simm' nati into 'e cas, 'o signor' e 'o puveriello
su 'nu materazz' 'e lana, su 'e scuogli o su 'o feniello.

A scena, sempe 'a stessa: l'acqua su 'a fornacella,
'a mamma, 'nu vacile, 'a sora e 'a cummarella.
Po' arriva 'a Mammana, Pappalardo Raffelina,
e nelle sue mani magiche nasceva una bambina.

L'infanzia into 'o paese, alleggra po' passava
certo cu' quacche pena, che 'a mamma cunsulava
Po' a vita ci pigliava, un po' ci sparpaggliava
ma l'addore do' presepio a casa ci chiamava.

Là c'erano gli abbracci fra amici e fra parent'
e se faceva a conta 'e chell' che eran'assent'
e si spanneva a voce pe' strade do' paese:
Sapite chi è turnato? Ciccillo cu l'Agnese.

Chesto succede a nuje, è un uso paesano
ma nun succede a vuje, a Roma nè a Milano.
'A conclusione è questa, Verace Cittadino
che tu resti un anonimo io invece so' Peppino.

 

(Luglio 2007)

 

Come Nasce Nu Strambotto

L'idea, 'e versi, 'a metrica so' sempe di PEPPINO,
i punti 'e mette Crescenzo, le virggole Gigino.
Sigismondo alla fonetica, Di Frischia alla regia,
Tonino ai "punto e virgola", Corniola poi dà il via.
Gli spazi al Mefistòfele e unico AGOSTINO
e poi Donato Sarno dà il PLACET in latino.

 

(Settembre 2007)

PERÓ ...

'A campanella tre vota ha suonato
'nu Maiorese dal Siggnore è chiamato,
perchè a Maiori nun è che se more,
ma si ritorna dal Padre e Signore.

Se fà pò 'u nome 'e nu candidato:
'o muorto 'e Giovann' o è Diurato?
arriva Mafalda che conferma il verdetto:
è Diurat, è morto into 'o lietto.

A' casa do' muorto comincia 'o casino
arriva Vicienzo e po' Tummasino
che offron il servizio con tanto di fot'
prometton lo sconto pa' prossima vot'.

Chi pigglia l'appalto aiuta i parenti,
gli metton il vestito e 'a scolla pe' denti.
gli metton le braccia sul seno conserte
mentre 'a cummare stennecchia 'e coperte.

Cumincian le visite, 'o primo è Clemente,
stà zitto e po' dice: "Però è sorridente!".
Po' arrivan' i vicini cu' a faccia dolente,
abbracciano i figli e la moglie silente.

Accummencian' 'e chiacchiere di cunvinienza:
dopo mangiato, ha persa coscienza.
"Aggio visto l'autrìere miezo 'o mercato
ma nun me pareva che steve malato!"

A moglie chiagnente, accumincia 'o lamiento:
era buono e sincero, mai un tradimento.
Po' se ne accorge che ha ditto 'a bugia
pecchè 'nanzo a porta è comparsa Lucia,

una bella vicina piuttosto avvenente
che ha purtato 'o cafe, come fa 'nu parente.
Si chiudon 'e porte per l'ultima notte
e l'ultimo a uscire ggli dà a buonanotte.

'O juorno appriesso ce sta 'o funerale
chi vace 'a chiesa, chi aspetta pe' scale
annanzi sta 'o prevete po' tante curone
appriesso c'è 'o carro e chi regge 'o cordone,

i familiari, cu ll'uocchi arrossati,
seguon il feretro l'un l'altro allacciati.
Il popolo è tanto ed è dispiaciuto,
ma segue il corteo pe' 'n atto dovuto.

Si scenne po' 'o corso s'abbannene 'e porte
sia per rispetto e pe' non fa trasere 'a morte.
E' un momento d'incontro pe' miezo paese
si parla del morto in modo cortese:

era un ggrande ommo, PERO' cu rispetto .....
e ognuno gli aggiunge 'nu vizio o un difetto.
Per tutta la vita mi chiederò
pecché 'o Maiorese ha sempre un PERO'!

L'estremo saluto

Quanno manca nu figlio o 'na giovane sposa,
siente 'o lutto fra 'a ggente, si blocca ogni cosa,
il rintocco funereo giungge singolo e forte,
s'accappona la pelle, pare 'a voce da morte.
'O corteo si incammina, 'na sciumara di gente
che segue la bara sgomenta e piangente
po' sosta a san Giacomo per l'estremo saluto
e sparisce in silenzio, col volto sparuto.

(Giugno 2007)

Lucrezia 'e Sant' Ruminico

"I so' Lucrezia e mo' m'agg' succiata
d'ess' pigliata a calci e arrutuliata!"
Accussì appariva 'nsuonno a duje monelli
donna Lucrezia, vestuta nera e rossa di capelli.
Cu 'nu teschio, truvato int' 'o cascione,
dint' 'a chiesa jucavano a pallone
duje apprendisti, Marco e Luiggino,
quanno mancava 'o masto Pasqualino.
'O 'mpruvviso cchiù niente apparizioni,
che spaventavan tanto 'i duje guagglioni
quanno gli stessi, cererenn' a malasciorta,
la smisero e pazzià co 'a capa 'e morta.
Chisto è 'nu fatto che me fu cuntato
e da doje sorci d'archivio accreditato.
Con modo suadente e un po' volpino
col fare lor, Crescenzo ed Agostino
mi insinuaron un dubbio nella mente,
sapendo che io ci credo poco o niente,
confermando: sappiamo ufficialmente
che Lucrezia la steve veramente'!

'A Cumèta

Chesta è 'a puteca 'e masto Rafele
'o veco ancora a senti' lamentele
'e 'nu clientge che avanza pretese
aspetta 'e scarpe da quase 'nu mese
pecchè zi Rafele teneva un difetto
era un po' muscio ma era perfetto.

Su' 'o bancariello teneva 'o spaggo
'a pece 'a colla e 'a suglia cu' l'aggo
'o martiello, 'e forme, 'na vranca 'e bullett'
'o piere 'e fierr', 'e centrelle e o' trincett'.
'O tiempo 'o perdeva pa' ggente che jeva
a cercà 'u piacere, diceva ggrazie e se n'asceva.

Arrivava 'e corsa Matteo Carmusino
vuleva doie punti 'ncoppo 'o sellino,
po' Micciariello, a gunfià 'nu pallone
insiem' 'a Gigino, Sasann' e Leone.
Veneva 'o tuorno 'e Vallese e i suoi atgtori
Ruocco e Picciuccolo i più bravi, i migliori,

ripassavan' 'a parte 'e 'nu dramma chiagnente
scritto 'a Vallese, primo attore: valente.
Maria e Vittoria cu' l'uocchio lucente
sbatteven 'e mani, felici e contente.
Masto Rafele faceva 'nu pastone
facev' 'acolla cu' farina e limone,

ne reve 'nu poco a' Andrea e Tanino
pe' fa' 'e comete cu' Fonzo e Giannino.
Io ievo ra' nonna che steve vicina
a cercà quacche foglio 'e carta velina
'a rint' 'a persiana 'e ncopp' 'o balcone
fregav' doie stecche po' fa l'acquilone.

Donna Cecilia, mia mamma adorata,
diceva che 'a persiana s'era allentata:
"L'agge mettere a baggno int' 'a l'acqua vullente
sperando che 'ntorza e deventa efficiente".
Sfilav' d''o nonno, 'na cazetta 'e cuttone,
e facev' 'nu gliòmmero pe' mullà l'aquilone.

'Ncoppa 'a 'na tavola costgruimm' 'a cometa
che po' a vennemm' a doie soldi completa.
Donn' Aràm', Matteo e Carluccione,
che cu' mast' Rafele jucavan' a scupone,
eran' ll'ultimi a dà 'a buonasera
a Giuseppina, 'a chiù brava mugliera.

Chest'era 'a vita 'e quann'ero guaglione
int' 'a casa-puteca e Rafel' 'e Macchione.

Novembre 2007

Come è nata 'sta Funtana

Far nascere da un genio 'n'idea così geniale,
occorre un mezzo drastico, cce' vo' nu parto anale.
Un metodo costoso, 'na cosa un po' sforzata,
il risultato logico? E' nata na' strunzata!

(4 'e jennaro 2004)