'E castagne d''o prevete

'E ccastagne d''o prevete songo nu prodotto tipeco ca se magna ô periodo 'e Natale. Na vota tutte 'e ffamiglie ca producevano 'e castagne 'e ffacevano. Songo canosciuto nfino 'â Puglia addó veneno magnate ô periodo d''e muorte e d''a Mmaculata. Na vote còute 'e ccastagne se sistemano ncopp''a gratale e legnamme e a sotto se fa nu fuoco lento cu  lène 'e castagno. Accussí se fanno assiccà pe ddoje o tre semmane. Adoppo veneno mise 'int'ô furno e se fanno cuotte.  Primma 'e 'e mmagnà veneno mise 'int'a acqua e vino.

'E Musicastoria

'E Musicastoria songo nu cumplesso 'e museca etnica popolare ca nasce c''o quàteno 'e revalutà e 'e fà canoscere 'o patrimonio musecale d''a Campania e 'e tutto 'o sud 'e ll'Italia. Songo state 'a sentere e aveno arrecuoveto 'e cunte 'e ll'anziane pe rrecuperà 'e pparole 'e tanti nnenie e canzone populare. Chesta è n'idea ca 'e ffà quacche vota sentí comme contro curriente 'int'ô mercato d''a muséca.

Vestite nire, semprece, quase pe rrichiammà chille d''e vvedole e d''e ccuntadine d''o sud 'e ll'Italia e 'e suone tipiche d''a tradizzione mediterranea.

'E Musecastoria nascettero ô 1996, ô 1998 vencettero 'a IV edizzione d''o festival "Inedito per Maria", diretto 'a Eugenio Bennato, cu 'a canzona "Tu ca sî femmena".

Ô 1999 partecepajeno a na tournée a ll'Austria pe rappresentà l'Italia e turnajeno lloco pure a ll'estate 2001 e 2003.

Ô mese 'e giugno 2003 jettero â Repubbreca d''o Yemen pe na tournée organizzata d''a CCIA 'e Salierno pe rafforzà 'a collaborazzione commerciale nternazzionale nfra Italia e Yemen. Fernita 'a tournée fujeno ospite d'annore 'e ll'ammasciata taliana e 'e chella d''o Yemen.

Ô mese 'e abbrile 2000 e 2004 jettero ô BIT (borsa internazionale del turismo – borsa nternazziunale d''o turismo) 'e Milano. Sempe mmitate d''a CCIA 'e Salierno.

Ô 2003 e 2004, pe auní 'e quatene sociale cu chille d''a múseca se so' mpegnate cu 'a manifestazzione nazziunale "Telethon" â Calabbria. Venettero mmitate d''o BNL 'e Catanzaro.

Ô 2005 facettero na tournée â Germania a Lüdenscheid.

Ô 2006 sonarono 'int'a dduje cuncierte. Uno 'e chisto fuje p'e ll'AIRC (Associazione Ricerca sul Cancro – associazzione p''a recerca ncopp'ô cancro) e pe chesto scrivettero na canzona comme sigla.

Partecepajeno a diverze trasmissione televisive e radiofoniche nazzionale. Quacche assempio:

    * Uno mattina ncopp''a RAI UNO
    * Fragole e mambo ncopp''a RAI DUE
    * Il sabato del villaggio ncopp''a RETE 4
    * La vita in diretta ncopp''a RAI DUE

'E cuncierte d'e lloro so state trasmise 'a:

    * RAI TRE Basilicata
    * RAISAT Show
    * RAI INTERNATIONAL
    * SAT2000

'O gruppo mette nzieme a ll'attività prufessionale d''e mmusiciste chella 'e recerca d''e pparole e d'e mmúseche ca pruveneno d''a cultura popolare e â cumposizzione 'e canzone cu ssonorità propie.

'E Musicastoria faticajeno nzieme a perzone mpurtante comme a Giovanni Mauriello, Marcello Colasurdo ea Giovanni Imparato.

'E miembre so':

    * Angelo Santucci: voce solista, percussione
    * Annalisa Chirico: voce solista, nacchere
    * Danilo Gloriante: violino, mandulino, mandoloncello
    * Gaetano Troisi: flauto travierzo, ciaramella
    * Francesco Granzoni: chitarre
    * Pietro Pisano: basso, fisarmoneca, zampogna
    * Raffaella Coppola: danze popolare

 

-----

Cchesto articulo vene ppure pubbrecato ncopp'a Wikipedia nnapuletana cu licenza GFDL.

'O napulitano è ufficialmente na lengua

'Int'â seduta d''o 14 'e ottovre 2008 'o Cunziglio Reggionale d''a Campania ha appruvato 'o disegno 'e legge ca era n'inizziativa pruvinciale e accusì mo 'o napulitano è ufficialmiente na lengua pure a casa soja.

Ncopp'o liviello nternazzionale 'o napulitano vene cunziderato na lengua già 'e parecchio tiempo e finalmente pure a casa soja addeventa ufficiale: chillo ca d''o siècolo XV è stato scritto e ca pure ora vene parlato 'int'â tante parte d''o Sud 'e ll'Italia e fuori 'e ll'Italia, comm per esempio 'int'ê State Aunite e ll'Argentina, pe menzionà ddoje, è cunziderato lengua pure d''a reggione Campania. Tene nu granne patrimonio litterario e nce stanno sempe cchiù perzone ca cercano 'e se riprennere attivamiente 'a lengua d''a loro, nun solo pe parlà, ma ppure provano 'e 'a scrivere.

'O provvedimiento 'e legge vô pruteggere 'a lengua e prommuovere ll'aducazzione p''a ausà pe mparà e scrivere.

Me sto chiedenno si chisto finalmente è 'o inizzio addo' 'a gente inizzia 'e collaborà pe creà materiale dedattico libbero, cuntenute libbere. Me sto chiedenno se vuje, care letture, mo inizziate 'e penzà davvero 'e partecipà 'int'â tante prugiette pe mantenè chella che è 'a vosta cultura e lengua. Me sto chiedenno se n'inizziativa comme p''o Piemonte, 'e purtà laptop a prezze basse cu nterfaccia 'int'â lengua locale int'ê scòle fosse na via ca si putisse ntraprennere pure p''a Campania. Learning Without Borders in Belgio face propeto chesto: purtà e laptop ca costano poco 'int'ê scole cullaboranno cu 'e autorità relative o si nun ce sta na risposta 'e lloro pure cu gruppe autonome ca vonno ffà 'a stessa ccosa.

'E jonte p''o articulo origgenale 'int'â llengua taliana e pe Learning Without Borders nce stanno abbascio.

* Jonta 'o articulo italiano
* Jonta 'o sitio 'e Learning Without Borders

Autòre: Sabine Emmy Eller
Revesiòne: Chesto testo nun è stato currietto pe errure 'e grammateca e ortografìa.

'O pallone

'E ccà partono 'e paggene ca parlano d''o pallone, d''e squdre e âte ccose cullegate.

Mèsca 'e fasule tradizzionale 'e Tramunte

Na vota, 'e cuntadine 'e Tramunte
curtevavano chesta mèsca 'e fasule pe essere sicure ca nce stevano
sempe bastante fasule pe pputé sfamà â fameglia.

Chesto pecché secunno ll'anno cierte
specie 'e fasule veneno meglio ca ll'ate. 'E fasule veneno curtevate
ncopp'â stessa terra d''e vvite pecché 'a cunvivenza d''e ddoje
chiante ammegliora â salute 'e tutt'e ddoje. 'A vite fa ombra e 'o
fasulo da sustanza â vite lascianno ll'azoto 'int'â terra.

'E nomme d''e fasule songo:
Pallatiello, Janco, Niro, Borlottino,
Riginiello, Tabacchiello, Marrò, Verdone, Viola.

Ogge 'e cuntadine quase nun curtevano
cchiú chesta mèsca.

Ll'Azienda Agricola Biologica Monte di Grazia cerca 'e tornà a ll' ausanze
'e na vota pecché chesta eccezzionale biodeverzetà ca tenimmo nun
ha ddà scumparí e è obbreco nuosto 'e 'a lassà p' 'e
ggenerazzione ca veneno.

Pe cchesto quanno ve gustate nu piatto
'e chesti fasule allicurdateve ca state magnanno "nu pocurillo
'e storia 'e chistu paese: Tramunte."

Museca

'A museca ffà parte 'e ogne cultura e dice tante ccose 'e comme 'a gente passa a juornata. 'Int'ê paggene cullegate a cchesta nce stanne articole nocpp'e canzone, gruppe 'e museca e cantante, autòre 'e pparole e cumponetore.

Sovera pelosa

'A sovera pelosa, ca vene ppure chiammata sovera 'e Natale, è nu frutto servatico mediterraneo. E' ll'uneca chianta ca tene  sciore e frutte ô stesso mumento. 'O nomme scientifeco 'e ll'arbero è Arbutus unedo L. 'E frutte se ponno magnà, ma nun troppe assaje, pecché tanno purtano â stitechezza.

Revesiòne: Carmine Colacino

 

Tintore 'e Tramunte

'O Tintore 'e Tramunte è nu vitigno autoctono ca vene curtevato cchiú spesso propeto â Tramunte, ncopp'â Costa 'e Amalfi. 'A ggente ha chiammato stu tipo 'e vite tintòre, pecché tene nu culore scùro. Quanno è maturo tene 'a scorza tennera e chesta dà 'o culore ô vino. 'O raspo d''o Tintore 'e Tramunte è verde. 'A pigna è allascata e ll'acine songo piccerille.