3 'e settembre 2008 - Nu blog è comme a nu giurnale? È overo?

Cunzideranno na sentenza 'e nu tribbunale taliano nu blog pô essere nu giurnale – e nu primmo blogger fuje cundannato pe cchesto.

Che cosa è succiesso? È nu taliano 'a primma perzona ca vene cundannata p'avè scritto nu blog, pecché? pecché fuje cunziderato comme na perzona ca nun arrispetta â legge, nu "giurnale" ha ddà essere arregistrato presso 'o tribunale e 'o blog 'e chella perzona nun ll'era. Chi era? Carlo Ruta nu giurnalista e stóreco.

Si vulite vedé ô blog d''o sujo, s'arape na paggena quase vacante cu dduje link, uno ca dice: "se vuò sapé addò è juto a ferní 'o blog clicca ccà" e n'ato ca porta ô sitio 'e Sicily News.

Chello ca fà nu poco penzà è perché s'ha dda arregistrà nu blog comme si fosse a nu giurnale? Nce sta quaccheduno ca tene paura? 'E che? Ca 'a ggente dice 'a soja? Nun aggiu maje letto a chillu blog, pecché nun 'o canuscevo e pecché nun tengo manco 'o tiempo. Chello ca saccio è ca nce stevano parecchie articule pure ncopp'â storia. Pe mme è na dumanna generale ca nun tene niente a cche ffà cu chello ca n'ata perzona scrive. È 'o diritto 'e tutte: tené n'opinione e 'a fà sapé.

Putite leggere 'e cchiú ncopp'a sta stòria ccà:
http://tinyurl.com/google-ruta
Aggiu fatto na ricerca ncopp'a google ca cuntiene jonte (=link) a articule 'int'ô taliano.

Autòre: Sabine Emmy Eller
Revesiòne: Carmine Colacino