La dieta al maschile di enzo mammato

Submitted by enzomammato on Wed, 20/01/2010 - 11:18

La dieta….. al maschile

Mia moglie mme diceva
che io ero chiatto assaje
pe stu fatto....penzaje
' e nun 'ngrassà cchiù!

Pigliajo na ricetta
che ‘o miedeco me dette,
anzi, pure a vuje
ve dico
chello che maledico:

“30 grammi ‘e vermecielle
cu ddoje pummarulelle,
nu fascio ‘e vrucculillo
e 6 grammi ‘e mozzarella….
nu grissino pe pane”…
ca fuje ‘a miez’’e mmane!

L’aggio fatto pe 3 mise
m’è rimasto sulo ‘a cammisa!
mia moglie vò ‘o calore
addò aggi’’a piglià?

Aggio perzo, pure, ‘o core
e nun tengo niente cchiù:
‘o cauzone fuje ‘a cuollo,
ma io c’’o porto a fa
…..si nun ce sta ‘a dinto
chello ca ce avesse stà!?!?!?!