Nu cunto? O è na storia vera?

Nce steva na vota na nennella ca tutta
'a semmana steva cu 'e nonne e sulo ô sabbato e â dummeneca steva
cu 'a mamma 'e 'o patre. 'O patre fuje na perzona ca sonava â museca
'int'a nu cumplesso e ogne sabbato chestu patre portava 'a nennella
cu isso quanno facevano 'e pprove. Isso nzegnaje 'a musica a figlia
d’’a soja – e pure nu poco 'e pianoforte. 'A nennella, già
quanno era piccerella sapeva movere 'a gente. Fuje na cosa streveza.
Come si 'o palcusceneco fusse 'a casa soja. Po’ quanno avette quase
nove anne 'o patre e a mamma se lasciajeno. Doppo nu poco chesta
guagliona, a 12 anne, avett’’a jí a vivere cu ’a mamma e 'o
patrigno. 'A vita nun era malamente ma nce stava sempe quacche cosa
ca mancava .....

Tant’ anne aroppo quanno era già
granne e pe ttantu tempo nun aveva parlato cu 'o patre. Chistu patre
'a chiammaje, dicenno ca steva male, 'int'ô spitale. Parlarono pe
ttantu tiempo e se cuntajeno ll’ urdeme quatto anne ca quase non
s'erano viste e pparlate. Isso nun ha maje fernuto 'e cercà 'e dà
quaccosa 'e bello â gente pe ttramente d’’a museca d''a soja e
essa ’int'a chille quatto anne ha truvato 'a cosa ca overo è ppe
essa. 'O patre vuleva sempe ca essa faceva na cosa simile p''a gente
e mmo chell'ommo ce sta e nun ce sta ... e ô juorno nun è luntano
ca essa turnarrà ncopp'ô palco comme ô tiempo ’e quanno teneva
quase nove anne.

22 'e maggio 2008

Autòre: Sabine Cretella

Revezione: Carmine Colacino