 |
Quàtto minute pe dicere chello ca vuò! Chiamma ô nùmmero (+39) 081.197.35.769! Avit''a parlà napulitano e 'o messaggio vene pubbrecato adoppo ca l'ha sentuto nu redattore ca l'ha dda appruvà. Costa quanto na chiammata ca fate pe' Napule (urbana). 'O servizzio è automateco e funziona sempe, 7 juorne â semmana, pure 'a notte e int'ê juorne 'e festa. |
'O PRIMMO 'E SETTEMBRE
Submitted by Sabine Eller on sab, 30/08/2008 - 06:48.
Ll' urdemo suonno d'Austo
se sceta c''o primmo 'e Settembre,
stasera è n'incanto!
'O cielo è amaranto, na rèfola 'e viento
doce comme 'a carezza 'e nu bbene
amara comm 'o ffele d''o chianto
me porta
na chiorma 'e penziere
ch'affollano 'a mente
e metteno ncroce stu core.
Vurria ca chiuvesse e nun chiove...
vurria tanta nuvole attuorno
ma 'a luna è d'argiento...
Vurria ca nu suonno turnasse
ma 'o suonno nun torna.
Stu suonno è partuto
'ncopp''a ll'onne
'e ll'urdema sera d'Austo
lassannome
nu grappolo 'e stelle
miez''a nu cielo amaranto
'int''a sta sera 'ncantata
d''o primmo 'e Settembre.
»
- Printer-friendly version
- Login or register to post comments
- report spam
